DAYS

今日竟然係放假 lol… 太美好了!!
尋日見到梁舜燕上等人，非常好!非常貴氣!非常有禮貌!我愛她♥♥♥！


前日都係西貢見到張家輝同埋關詠荷抱住佢地個女啊!個女好鬼肥幾得意!!張家輝~我都幾喜歡!不過兩個一路行一路木口木面, 唔知點咁XD

話說返左美心西餅呢份工都已經 5 日啦，係超級想死囉!本來以為間店咁細都冇乜野做啦…點知真係唔係咁= =，好鬼辛苦…又起包執包退包係咁嗌歡迎光臨多謝晒 byebye…叫到喉嚨都痛!明明放 9:30 又要執野執到 10 點幾（但人工係計到 9:30）除左店長 candy 同阿艷同係寶琳調過來 10 幾日既阿 shan，d 人又賤…佢地係賤中之霸囉!仲有個掃地阿(8)婆我幫佢命名做賤后囉，比個獎佢! 果個阿 yen 真係好好笑囉…一呢個唔返工就係度講果個人是非，仲要下下爆粗個野先勁!仲要扮正義，又係賤到爆炸個隻!果個掃地阿婆（其實佢係阿嬸）又麻鬼煩講野大聲又粗又大陸人咁款仲要係度點我做野叫我做呢樣個樣洗野周圍走掃地而家唔知邊個係清潔阿婆邊個係售餅員?!好彩我鍾意行來行去同埋洗野掃地姐我唔會比你既奸計得逞囉賤人!就係因為呢間野令我生命中好耐冇出現過既粗口重新係我心中燃點!我真係發覺賤係冇限度架喎~阿艷都講左話佢初初黎到仲慘過我，係近來先好返 d!!我就真係唔想忍囉!總之比個阿婆得我一句我心裡就有一句究極粗口!你去死吧~~~~~~~~!第時我唔做你仲做緊真係返黎買3000打西餅掟死你啊!

我發覺以前係寶島返工係超級 happy!! 吹水又 happy，d 人講野都實在 d 好笑 d! 就算辛苦都唔太難過啊~~果個阿 yen 真係勁廢勁無聊，都唔知係咪覺得自己講野好好笑?! 成日係度 bilibala ，冇野講都發出 d 奇怪聲，可唔可以比我靜下呢?! = = 講野又無聊，都唔想應佢!又問我做乜唔出聲，大佬啊，點答你呀講野咁無聊! 我決定要玩自閉, 拿拿聲做埋 55 日就唔做!!!不過拿拿聲得黎其實做 55 日都要等到 11月~!呢度好就好在冇果 d 騎呢怪同 mk 潮童來買野囉!黎親都係賓妹阿婆師奶帶住一打細路，d 細路嘈住晒又唔係買!! 真係好想一巴打落去啊（其實我好有愛心）d 人又串到死買野又唔排隊又話等得耐!大佬啊，有 12 隻手幫你啊?! 仲有 d 人係一次過衝入黎，一忙就忙到癲左，一靜就靜到癲左！真係煩到你喊!

聽日又要返去呢個賤人基地，捱捱捱捱捱!!我而家只係想係呢一年返搵 dd 錢旁下身，黎買下野個 d .. 如果唔係我都唔做!! 講開又講我真係唔記得左原來星期 3 出碟，點算?! 我買唔到, 我要返工!!!!!!!（怒） 呢次應該係我第一次係正日買唔到碟, 點算?! Keira 你幫我買吧! 我比錢你!!! T_T

好, 發洩完畢!!!!我發覺打廣東話鬧人先好!書面語用來鬧人唔太得!!
總之啊，美心真係唔好做!!