DAYS

我真係好憎我返工個度既清潔阿婆，乜料呀你?!你阿媽…!而家唔抵得我後生過你呀?成日係度嘈嘈嘈，你好煩呀!我阿嬤都冇你咁煩!x*^$*&$!!遲 d 我唔做個陣實打電話去投訴你呀阿婆，睇住黎啦!!遲 d 你就知死呀!!!

執野慢關你鬼事呀，又阻唔到你收工，又唔係你執…你理得我??!店長同阿 yen 同阿艷都未出聲你出聲…我做左幾多日你做左幾耐呀?拎我黎同你比，睇你都似做左 50 年以上啦!我做左 6 日咋阿婆…真係谷鬼氣呀!!總之見到佢我就會黑面啦…好黑人憎…都未見過阿嬸係咁黑人憎架!!我遲早一日真係好想同佢開戰…

今日開頭個幾個鐘好鬼靜，又冇咩野做…之後黎料! d 人好似前世未食過野…真係餓狼咁衝入黎買包…痴左線呀佢地…美心 d 包我真係覺得好難食XD!所以今日收左工都冇包要起，一早已經起晒咁滯!!仲有個客痴線架…話說美心有張劵係買滿 10 蚊就當 2 蚊用，佢拎左個 $9.5 既包走黎問我用唔用得個張野，咁梗係唔得啦，未到 10 蚊嘛! 我就話未夠 10 蚊唔得呀，一係你買多樣野啦…之後佢就係度話我啦：你間公司真係好有問題!! 好心一係就 set 做 9 蚊啦，而家 9.5 我又用唔到，咁即係迫我買多樣野姐… =____=" 我已經想死，張劵又唔係我整關我咩事…??! 之後佢睇中左個 11 蚊既話，問我入面有冇餡，我話冇架…得面個度有架咋，佢又話：咁都要 11 蚊咁貴?!… 你間公司真係好有問題!

關我咩事，鬧就唔好鬧我啦T_T!! D 客真係好好好煩呀!!!我真係好憎服務性行業。

仲有而家個腦成日有句「做得岩，電梯安全就係咁簡單。請小心腳指。」…日日都聽成幾百次…
總之我既生活就充滿「煩」字!!!…我想死啦…